ក្រុមអ្នកជួយសង្គ្រោះនៅប្រទេសហ្វីលីពីនបានរកឃើញសាកសពចំនួន៤១នាក់ទៀតពីសាឡាងMV June Aster ដែលបានឆេះនៅក្បែរខេត្ត Palawan។ ដូច្នេះ ចំនួនអ្នកស្លាប់សរុបបានកើនដល់ ៧៦នាក់ ខណៈមនុស្ស ១៣នាក់ទៀតនៅបាត់ខ្លួន។
ប្រភពពីសារព័ត៌មានCNN នៅថ្ងៃទី១៣ខែកញ្ញា។
សាឡាងនេះមានមនុស្សជាង១៣០នាក់ នៅលើនោះ ហើយបានឆេះនៅពេលជិតបញ្ចប់ការធ្វើដំណើរដែលមានរយៈពេលជាង២០ម៉ោង។ អ្នកពន្លត់អគ្គិភ័យបានចូលទៅក្នុងសាឡាងជាលើកដំបូង បន្ទាប់ពីអាចពន្លត់ភ្លើងបានជាងមួយថ្ងៃ។
អ្នកស្លាប់ជាច្រើនត្រូវបានរកឃើញនៅតំបន់កន្លែងស្នាក់នៅថ្នាក់សេដ្ឋកិច្ច។ កម្ដៅខ្លាំងបានធ្វើឱ្យគ្រែដែកនៅក្នុងសាឡាងរលួយ និងបាក់ខូច ហើយតំបន់ខាងក្នុងពោរពេញដោយផេះ។
អាជ្ញាធរកំពុងព្យាយាម កំណត់អត្តសញ្ញាណអ្នកស្លាប់ និងស្វែងរកមូលហេតុនៃភ្លើងឆេះ។ តាមសាក្សីដែលនៅរស់រាន មានការឮសំឡេងផ្ទុះចំនួន ២ដង មុនពេលភ្លើងចាប់ផ្តើមឆេះ និងរាលដាលយ៉ាងលឿន។
ករណីនេះក៏បង្កការព្រួយបារម្ភថ្មីអំពីសុវត្ថិភាពការធ្វើដំណើរតាមសមុទ្រនៅហ្វីលីពីន ដែលប្រជាជនរាប់លាននាក់ពឹងផ្អែកលើសាឡាង និងទូក ដើម្បីធ្វើដំណើររវាងកោះ និងខេត្តនានា៕
