តុលាការហ្វីលីពីន បានកាត់ទោសអតីតអភិបាលក្រុង Bamban ខេត្ត Tarlac លោកស្រី Alice Guo ឱ្យជាប់ពន្ធនាគារអស់មួយជីវិត បន្ទាប់ពីតុលាការរកឃើញថា នាងមានទោសក្នុងបទជួញដូរមនុស្ស។ ការកាត់ទោសនេះត្រូវបានគេចាត់ទុកថា ជា ការឈ្នះសំខាន់មួយសម្រាប់ការប្រយុទ្ធប្រឆាំងឧក្រិដ្ឋកម្មនៅក្នុងប្រទេស។
ប្រភពពីសារព័ត៌មានReuters កាលពីថ្ងៃទី២០ខែវិច្ឆិកា។
Alice Guo ដែលត្រូវបានកំណត់អត្តសញ្ញាណថាជាជនជាតិចិនឈ្មោះ Guo Hua Ping ត្រូវបានគេស្គាល់ថាបានឈរឈ្មោះជាអភិបាលក្រុងក្នុងនាមពលរដ្ឋហ្វីលីពីន។ តែការស៊ើបអង្កេតនានាគឺបានបង្ហាញថា នាងពាក់ព័ន្ធជាមួយបណ្តាញឧក្រិដ្ឋកម្មចិន និងស្ថាបនាមជ្ឈមណ្ឌលធ្វើបោកប្រាស់តាមអ៊ីនធឺណិតនៅលើដីដែលនាងគ្រប់គ្រង៕