កាលពីថ្ងៃអាទិត្យទី៧ខែធ្នូ នាយករដ្ឋមន្ត្រីអ៊ីតាលី លោកស្រី ជីអូហ្គីយ៉ា មេឡូនី (Giorgia Meloni) បាននិយាយតាមទូរស័ព្ទជាមួយប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskyy) ដោយនិយាយថា ប្រទេសរបស់លោកស្រីនឹងបញ្ជូនសម្ភារៈសង្គ្រោះបន្ទាន់ទៅកាន់អ៊ុយក្រែន។
ប្រភពពីសារព័ត៌មានAANews។
ការិយាល័យរបស់លោកស្រីបាននិយាយនៅក្នុងសេចក្តីថ្លែងការណ៍មួយថា ការសន្យានេះបានកើតឡើងមុនពេលដំណើរទស្សនកិច្ចដែលបានគ្រោងទុករបស់លោក Zelenskyy ទៅកាន់ទីក្រុងឡុងដ៍ ទីក្រុងព្រុចសែល និងទីក្រុងរ៉ូម ក្នុងរយៈពេលប៉ុន្មានថ្ងៃខាងមុខ សម្រាប់ការពិភាក្សាជាមួយមេដឹកនាំអឺរ៉ុបអំពីដំណើរការសន្តិភាពជាមួយរុស្ស៊ី។
សេចក្តីថ្លែងការណ៍បាននិយាយថា លោកស្រី Meloni បានសម្តែងសាមគ្គីភាពជាមួយអ៊ុយក្រែន បន្ទាប់ពីការវាយប្រហារចុងក្រោយរបស់រុស្ស៊ី។
ក្រុមហ៊ុនអ៊ីតាលីនឹងដឹកជញ្ជូនម៉ាស៊ីនភ្លើងទៅកាន់អ៊ុយក្រែនក្នុងរយៈពេលប៉ុន្មានសប្តាហ៍ខាងមុខដើម្បីគាំទ្រហេដ្ឋារចនាសម្ព័ន្ធថាមពល និងប្រជាជន។
លោកស្រី Meloni ក៏បានសម្តែងការគាំទ្រចំពោះកិច្ចខិតខំប្រឹងប្រែងការទូតបច្ចុប្បន្ន និងការប្តេជ្ញាចិត្តរបស់សហរដ្ឋអាមេរិកក្នុងការគូសផ្លូវឆ្ពោះទៅរកសន្តិភាពដ៏យុត្តិធម៌ និងយូរអង្វែង៕