សម្ព័ន្ធរដ្ឋាភិបាលកំពុងកាន់អំណាចនៅប្រទេសនូវែលសេឡង់ មានសង្ឃឹមថានឹងអាចបន្តកាន់អំណាចបាន បន្ទាប់ពីលទ្ធផលរាប់សន្លឹកឆ្នោតបឋមនៃការបោះឆ្នោតសកលកាលពីថ្ងៃទី៧ ខែវិច្ឆិកា បង្ហាញថា សម្ព័ន្ធនេះទទួលបានសំឡេងភាគច្រើនតិចតួចក្នុងសភា។
សារព័ត៌មានReuter។
យោងតាមលទ្ធផលបឋម គណបក្សទាំង៣ ដែលបង្កើតសម្ព័ន្ធរដ្ឋាភិបាល រួមមាន គណបក្ស National ទទួលបាន៤២អាសនៈ គណបក្ស ACT ទទួលបាន១៣អាសនៈ និងគណបក្ស New Zealand First ទទួលបាន១២អាសនៈ សរុប៦៧អាសនៈ ក្នុងចំណោម១៣១អាសនៈ។
ទោះជាយ៉ាងណា លទ្ធផលអាចនឹងផ្លាស់ប្តូរ ដោយសារនៅមានសន្លឹកឆ្នោតប្រហែល១៤% ស្មើនឹងជិត៤០ម៉ឺនសន្លឹក មិនទាន់បានរាប់នៅឡើយ។ សន្លឹកឆ្នោតទាំងនេះអាចផ្តល់អត្ថប្រយោជន៍ដល់គណបក្សខាងឆ្វេង រួមមាន គណបក្ស Green គណបក្ស Te Pati Maori និងគណបក្ស Labour។
គណៈកម្មការរៀបចំការបោះឆ្នោតនឹងប្រកាសលទ្ធផលផ្លូវការនៅថ្ងៃទី២៧ ខែវិច្ឆិកា ឆ្នាំ២០២៦។ ដូច្នេះ គេនឹងដឹងច្បាស់ថា តើសម្ព័ន្ធរដ្ឋាភិបាលបច្ចុប្បន្នអាចបន្តកាន់អំណាច ឬត្រូវប្រឈមនឹងការផ្លាស់ប្តូររដ្ឋាភិបាលថ្មី៕
