តុលាការឧក្រិដ្ឋកម្មអន្តរជាតិ (ICC) បានបដិសេធបណ្តឹងឧទ្ធរណ៍របស់អ៊ីស្រាអែល និងបន្តគាំទ្រការស៊ើបអង្កេតអំពីឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងនឹងមនុស្សជាតិ ដែលកើតឡើងនៅតំបន់ហ្គាហ្សា។ សេចក្តីសម្រេចនេះត្រូវបានប្រកាសដោយអង្គជំនុំជម្រះឧទ្ធរណ៍ កាលពីថ្ងៃចន្ទទី១៥ ខែធ្នូ។
ប្រភពពីសារព័ត៌មានReuters។
ក្នុងសាលក្រម ចៅក្រមបានបញ្ជាក់ឡើងវិញនូវសេចក្តីសម្រេចរបស់អង្គជំនុំជម្រះមុនការជំនុំជម្រះដោយសន្និដ្ឋានថាមិនមានស្ថានភាពថ្មីណាមួយដែលតម្រូវឱ្យព្រះរាជអាជ្ញាចាប់ផ្តើមនីតិវិធីឡើងវិញឬចេញការជូនដំណឹងថ្មីទៅកាន់អ៊ីស្រាអែលតាមមាត្រា១៨ នៃលក្ខន្តិកៈទីក្រុងរ៉ូមឡើយ។
អង្គជំនុំជម្រះឧទ្ធរណ៍បានបញ្ជាក់ថា ការស៊ើបអង្កេតដែលបានបន្តចាប់តាំងពីខែតុលា ឆ្នាំ២០២៣ គឺពាក់ព័ន្ធនឹងជម្លោះប្រដាប់អាវុធប្រភេទដូចគ្នា លើទឹកដីដូចគ្នា និងមានភាគីដែលត្រូវបានចោទប្រកាន់ដូចគ្នាជាមួយសំណុំរឿងប៉ាឡេស្ទីនដែលកំពុងស្ថិតក្រោមការស៊ើបអង្កេតរួចមកហើយ៕