ប្រទេសបារាំងបានសម្រេចបន្តដាក់ពង្រាយយន្តហោះល្បាតសមុទ្ររបស់ខ្លួននៅប្រទេសរ៉ូម៉ានី រយៈពេលជាច្រើនសប្តាហ៍បន្ថែមទៀត ដើម្បីពង្រឹងការឃ្លាំមើលសន្តិសុខនៅសមុទ្រខ្មៅ បន្ទាប់ពីមានការវាយប្រហារជាបន្តបន្ទាប់លើនាវាដឹកទំនិញ។
សារព័ត៌មានAnadolu Agency នៅថ្ងៃទី៦ខែវិច្ឆិកា។
យន្តហោះប្រភេទ Atlantique 2 របស់បារាំង ត្រូវបានដាក់ពង្រាយនៅមូលដ្ឋានទ័ពអាកាស Mihail Kogalniceanu ក្នុងប្រទេសរ៉ូម៉ានី តាំងពីថ្ងៃទី១៨ ខែតុលា ដើម្បីតាមដាននាវាចម្បាំង នាវាមុជទឹក ដ្រូនសមុទ្រ និងមីនក្នុងសមុទ្រ។
ការសម្រេចនេះធ្វើឡើងបន្ទាប់ពីរ៉ូម៉ានី និងប៊ុលហ្គារី ដែលជាសមាជិកអង្គការណាតូ បានស្នើសុំការពង្រឹងកម្លាំងសន្តិសុខនៅតំបន់នេះ។ យន្តហោះបារាំងក៏បានរកឃើញដ្រូនសមុទ្រដែលកំពុងឆ្ពោះទៅរកនាវាដឹកទំនិញផងដែរ។
ការវាយប្រហារកាន់តែខ្លាំងឡើងនៅសមុទ្រខ្មៅ បានបង្កើនការព្រួយបារម្ភដល់ប្រទេសសមាជិកណាតូ ជាពិសេសរ៉ូម៉ានី និងប៊ុលហ្គារី ដែលស្ថិតនៅក្បែរតំបន់ជម្លោះរវាងរុស្ស៊ី និងអ៊ុយក្រែន។
សមុទ្រខ្មៅមានសារៈសំខាន់ខ្លាំងសម្រាប់ការដឹកជញ្ជូនគ្រាប់ធញ្ញជាតិ ប្រេង និងផលិតផលប្រេងទៅកាន់ទីផ្សារអន្តរជាតិ។ ទន្ទឹមនឹងនេះ រុស្ស៊ីបានបដិសេធថា ខ្លួនមិនបានកំណត់គោលដៅវាយប្រហារលើប្រទេសជិតខាងរបស់អ៊ុយក្រែនឡើយ៕
