ប្រធានាធិបតីកូឡុំប៊ី លោក Gustavo Petro បានសម្តែងការគាំទ្រចំពោះប្រធានាធិបតីសហរដ្ឋអាមេរិក លោក Donald Trump ដែលដាក់ឈ្មោះគ្រឿងញៀន fentanyl ជាអាវុធប្រល័យលោកដ៏ធំ (WMD)។
ប្រភពពីសារព័ត៌មានAnadolu នៅថ្ងៃទី១៨ខែធ្នូ។
ការអះអាង របស់លោក Petro បានធ្វើឡើងបន្ទាប់ពីប្រធានាធិបតី Trump បានចុះហត្ថលេខា លើបទបញ្ជាប្រតិបត្តិដ៏សំខាន់មួយកាលពីថ្ងៃចន្ទ នៅការិយាល័យ Oval Office ដែលបានចាត់ថ្នាក់ឡើងវិញ fentanyl ខុសច្បាប់ជាផ្លូវការជា WMD។
គោលបំណងនៃវិធានការនេះ គឺដើម្បីផ្តល់អំណាចបន្ថែមដល់អាជ្ញាធរសន្តិសុខជាតិ និងកម្លាំងយោធា ក្នុងការប្រយុទ្ធប្រឆាំងបណ្តាញជួញដូរគ្រឿងញៀនអន្តរជាតិ។
ក្នុងសារដែលបានផ្សព្វផ្សាយលើបណ្ដាញសង្គម X លោក Petro បានយល់ស្របថា fentanyl ជាopioidសំយោគដ៏សាហាវ ដែលកំពុងគំរាមកំហែងយ៉ាងធ្ងន់ធ្ងរដល់សង្គមអាមេរិក។
លោក Petro បានសរសេរថាខ្ញុំយល់ស្របជាមួយលោក Trump ថា fentanyl គឺជាអាវុធប្រល័យលោកដ៏សាហាវបំផុត ដែលកំពុងគំរាមកំហែងដល់សង្គមអាមេរិក។
ប្រទេសរបស់ខ្ញុំនឹងធ្វើអ្វីគ្រប់យ៉ាងដែលអាចធ្វើបាន ដើម្បីរារាំងការផ្គត់ផ្គង់សម្រាប់ការផលិតសារធាតុនេះ៕