កុមារប៉ាឡេស្ទីនម្នាក់ បានស្លាប់ដោយសារផ្ទុះគ្រាប់នៅជំរំNuseirat ខណៈមនុស្ស៤នាក់បានរងរបួសពីការបាញ់ប្រហាររបស់អ៊ីស្រាអែលនៅតំបន់ផ្សេងៗនៃហ្គាហ្សា ទោះបីជាមានបទឈប់បាញ់ក៏ដោយ។
ប្រភពពីសារព័ត៌មានAnadolu Agencyនៅថ្ងៃទី១៩ខែធ្នូ។
អង្គការការពារជនស៊ីវិលហ្គាហ្សាបានព្រមានថា គ្រាប់រំសេវដែលបន្សល់ទុកកំពុងគំរាមកំហែងជីវិតជនស៊ីវិល និងចោទប្រកាន់អង្គការអន្តរជាតិពីការពន្យារពេលដោះស្រាយបញ្ហានេះ។
ប្រជាជនប៉ាឡេស្ទីនបានចោទអ៊ីស្រាអែលថារំលោភលើបទឈប់បាញ់ជាបន្តបន្ទាប់។ ក្រសួងសុខាភិបាលបញ្ជាក់ថា ចាប់តាំងពីបទឈប់បាញ់មក មានមនុស្សយ៉ាងហោចណាស់ ៣៩៥ នាក់ស្លាប់ និង ១,០៨៨ នាក់រងរបួស ក្នុងការវាយប្រហាររបស់អ៊ីស្រាអែលនៅហ្គាហ្សា៕