សិង្ហបុរី និងចិន ចាប់ផ្តើមចរចាធ្វើបច្ចុប្បន្នភាពកិច្ចព្រមព្រៀងពាណិជ្ជកម្មសេរី ដើម្បីពង្រឹងទំនាក់ទំនងសេដ្ឋកិច្ច!

ប្រទេសសិង្ហបុរី និងចិន បានចាប់ផ្តើមការចរចាដើម្បីធ្វើបច្ចុប្បន្នភាពកិច្ចព្រមព្រៀងពាណិជ្ជកម្មសេរីរវាងប្រទេសទាំងពីរ បន្ទាប់ពីបានចុះហត្ថលេខាលើអនុស្សរណៈនៃការយោគយល់គ្នា (MOU) កាលពីថ្ងៃទី២០ ខែវិច្ឆិកា ឆ្នាំ២០២៦ នៅទីក្រុងសិនជិន ប្រទេសចិន។
សារព័ត៌មានCNA។

នាយករដ្ឋមន្ត្រីសិង្ហបុរី លោក ឡូរ៉ង់ វ៉ុង បានឱ្យដឹងថា ការធ្វើបច្ចុប្បន្នភាពនេះនឹងពង្រីកកិច្ចសហប្រតិបត្តិការទៅលើវិស័យថ្មីៗ ដូចជា សេដ្ឋកិច្ចឌីជីថល ការផ្ទេរទិន្នន័យឆ្លងព្រំដែន និងបង្កើតឱកាសអាជីវកម្មថ្មីៗសម្រាប់ក្រុមហ៊ុនសិង្ហបុរី។

ក្នុងជំនួបជាមួយប្រធានាធិបតីចិន លោក ស៊ី ជីនពីង មេដឹកនាំទាំងពីរក៏បានពិភាក្សាអំពីការពង្រឹងកិច្ចសហប្រតិបត្តិការលើបច្ចេកវិទ្យាទំនើប និងវិស័យបញ្ញាសិប្បនិម្មិត (AI) ផងដែរ។

ក្រសួងការបរទេសសិង្ហបុរីបានបញ្ជាក់ថា ការចរចានេះនឹងផ្តោតលើការលើកកម្ពស់កិច្ចសហប្រតិបត្តិការផ្នែកលទ្ធកម្មរបស់រដ្ឋាភិបាល បច្ចេកវិទ្យា AI ការច្នៃប្រឌិត និងការសម្រួលដល់ការធ្វើអាជីវកម្ម ព្រមទាំងបើកឱកាសចូលទៅកាន់ទីផ្សារថ្មីៗ។

គួរបញ្ជាក់ថា កិច្ចព្រមព្រៀងពាណិជ្ជកម្មសេរីរវាងសិង្ហបុរី និងចិន បានចូលជាធរមាននៅខែមករា ឆ្នាំ២០០៩ ហើយជាកិច្ចព្រមព្រៀងពាណិជ្ជកម្មសេរីទ្វេភាគីដ៏ទូលំទូលាយដំបូងរបស់ចិនជាមួយប្រទេសមួយនៅអាស៊ី។ កិច្ចព្រមព្រៀងនេះត្រូវបានកែលម្អជាបន្តបន្ទាប់នៅឆ្នាំ២០១១ និងឆ្នាំ២០១៩៕

Leave a Reply

Your email address will not be published. Required fields are marked *