វេណេស៊ុយអេឡា បានថ្កោលទោសយ៉ាងខ្លាំងចំពោះសកម្មភាពយោធា និងការបិទផ្លូវកងទ័ពជើងទឹករបស់សហរដ្ឋអាមេរិក។
ប្រភពពីសារព័ត៌មានAl Jazeera នៅថ្ងៃទី២៤ខែធ្នូ។
ក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃទី 23 ខែធ្នូ ឆ្នាំ 2025 ឯកអគ្គរដ្ឋទូតវេណេស៊ុយអេឡា លោក Samuel Moncada បាននិយាយថា សហរដ្ឋអាមេរិកកំពុងធ្វើសង្គ្រាមក្រៅផ្លូវការដើម្បីផ្តួលរំលំរដ្ឋាភិបាលប្រធានាធិបតី Nicolas Maduro។លោក Moncada អះអាងថា ការវាយប្រហារតាមអាកាស និងការរឹបអូសកប៉ាល់ដឹកប្រេងវេណេស៊ុយអេឡា គឺជាការរំលោភច្បាប់អន្តរជាតិ និងអាចចាត់ទុកជាទង្វើសង្គ្រាម ខណៈដែលសហរដ្ឋអាមេរិកអះអាងថា វាជាសកម្មភាពអនុវត្តច្បាប់ដើម្បីទប់ស្កាត់ការជួញដូរគ្រឿងញៀន។ វេណេស៊ុយអេឡាបានចោទថា គោលដៅពិតប្រាកដរបស់វ៉ាស៊ីនតោនគឺប្រេង អណ្តូងរ៉ែ និងធនធានដីធ្លីរបស់ប្រទេសវេណេស៊ុយអេឡា៕