សហរដ្ឋអាមេរិកបានប្រកាសដាក់ទណ្ឌកម្មលើជនជាតិអឺរ៉ុបចំនួនប្រាំនាក់ ក្នុងនោះមានអតីតស្នងការសហភាពអឺរ៉ុប លោក Thierry Breton ដោយចោទថាបានដាក់សម្ពាធលើក្រុមហ៊ុនបច្ចេកវិទ្យាអាមេរិក ដើម្បីត្រួតពិនិត្យ និងបង្ក្រាបទស្សនៈដែលសហរដ្ឋអាមេរិកមិនយល់ព្រម។ រដ្ឋមន្ត្រីការបរទេសអាមេរិក លោក Marco Rubio បានអះអាងថា វាជាការត្រួតពិនិត្យក្រៅទឹកដី ដែលរដ្ឋបាលលោក Donald Trump មិនអាចទទួលយកបានទៀតឡើយ។
ប្រភពពីសារព័ត៌មានAl Jazeera នៅថ្ងៃទី២៤ខែធ្នូ។
គោលដៅសំខាន់គឺលោក Breton អតីតស្នងការទីផ្សារផ្ទៃក្នុងអឺរ៉ុប និងជាអ្នកគាំទ្រច្បាប់សេវាកម្មឌីជីថល (DSA) ដែលមានបំណងគ្រប់គ្រងសុន្ទរកថាអនឡាញ។ ភាគីអាមេរិកចោទថា DSA ត្រូវបានប្រើប្រាស់ដើម្បីគំរាមកំហែងក្រុមហ៊ុនអាមេរិក និងប៉ះពាល់ដល់សេរីភាពនៃការបញ្ចេញមតិ៕