នាយករដ្ឋមន្ត្រីអ៊ីស្រាអែល លោកប៊ែនចាមីន ណេតាន់យ៉ាហ៊ូ កំពុងជំរុញឱ្យមានសកម្មភាពយោធាបន្ថែមទៀតប្រឆាំងនឹងអ៊ីរ៉ង់ ជាពិសេសលើកម្មវិធីមីស៊ីល ទោះបីជាវាផ្ទុយនឹងទិសដៅគោលនយោបាយការបរទេសរបស់ប្រធានាធិបតីអាមេរិក ដូណាល់ ត្រាំ ក៏ដោយ។
ប្រភពពីសារព័ត៌មានAl Jazeera នៅថ្ងៃទី២៧ខែធ្នូ។
បន្ទាប់ពីសហរដ្ឋអាមេរិកបានវាយប្រហារលើគោលដៅនុយក្លេអ៊ែររបស់អ៊ីរ៉ង់កាលពីខែមិថុនា លោក Netanyahu នៅតែបន្តព្រមានអំពីការគំរាមកំហែងពីទីក្រុងតេអេរ៉ង់ និងស្វែងរកការចូលរួមយោធាបន្ថែមពីអាមេរិក។ លោកត្រៀមជួបលោក Trump នៅ Mar-a-Lago។
យ៉ាងណា អ្នកវិភាគបានព្រមានថា ការប៉ះទង្គិចថ្មីជាមួយអ៊ីរ៉ង់អាចប៉ះទង្គិចជាមួយលោក Trump ដែលផ្តោតលើការកាត់បន្ថយការជ្រៀតជ្រែកយោធា ការពង្រឹងទំនាក់ទំនងការទូត និងកិច្ចសហប្រតិបត្តិការសេដ្ឋកិច្ចក្នុងតំបន់មជ្ឈិមបូព៌ា៕