ទីក្រុង Minneapolis របស់សហរដ្ឋអាមេរិក បានក្លាយជាកន្លែងកើតមានការតវ៉ាដ៏ធំ និងការប៉ះទង្គិចរវាងក្រុមបាតុករ និងភ្នាក់ងារអនុវត្តច្បាប់សហព័ន្ធ បន្ទាប់ពីភ្នាក់ងារអន្តោប្រវេសន៍អាមេរិក (ICE) បានបាញ់សម្លាប់ស្ត្រីអាមេរិកម្នាក់ឈ្មោះ Renee Nicole Good អាយុ ៣៧ ឆ្នាំ កាលពីថ្ងៃពុធទី៨ខែមករាឆ្នាំ២០២៦។
ប្រភពពីសារព័ត៌មានAFP។
តាមការបញ្ជាក់របស់អាជ្ញាធរ ស្ត្រីរូបនេះត្រូវបានបាញ់ចំក្បាល ខណៈពេលដែលនាងព្យាយាមបើករថយន្តចេញពីភ្នាក់ងារសហព័ន្ធ ដែលអះអាងថានាងបានរារាំងផ្លូវ។ ទោះជាយ៉ាងណា មន្ត្រីមូលដ្ឋាន និងថ្នាក់ដឹកនាំរដ្ឋ Minnesota បានបដិសេធការអះអាងរបស់សេតវិមាន ដែលចោទថានាងជាភេរវករក្នុងស្រុក។
ក្រោយហេតុការណ៍នេះ ក្រុមបាតុករជាច្រើនបានចេញតវ៉ាប្រឆាំងនឹង ICE នៅទីក្រុង Minneapolis និង Saint Paul ដោយស្រែកពាក្យស្លោក និងប្រមូលផ្តុំគ្នានៅជុំវិញអគាររដ្ឋាភិបាលសហព័ន្ធ។ ភ្នាក់ងារសហព័ន្ធបានប្រើឧស្ម័នបង្ហូរទឹកភ្នែក និងកាំភ្លើងម្រេច ដើម្បីបំបែកហ្វូងមនុស្ស បណ្តាលឲ្យមានអ្នករងរបួសមួយចំនួន៕