ករណីបាក់រលំទីតាំង ចាក់សំរាម នៅភាគកណ្តាលនៃប្រទេសហ្វីលីពីន បណ្ដាលឱ្យកម្មករកប់ជាប់ក្រោមគំនរ ស្លាប់ម្នាក់ របួស ៧នាក់ និងបាត់ខ្លួនមួយចំនួន។
សារព័ត៌មាន AP នៅថ្ងៃទី៩ ខែមករា ឆ្នាំ ២០២៦។
ប៉ូលិសអះអាងថា ក្រុមអ្នកសង្គ្រោះបានជួយទាញយកមនុស្ស៨នាក់នៅរស់ចេញពីគំនរសំរាម ហើយកំពុងស្វែងរកអ្នកបាត់ខ្លួនចំនួន២៧នាក់ ក្រោមកម្ទេចកម្ទីដែលរលំលើភូមិ Binaliw ខេត្ត Cebu។ ជនរងគ្រោះ រួមមានកម្មករ នៅកន្លែងចាក់សំរាម ប៉ុន្តែគេមិនទាន់ដឹងថា មានអ្នកដែលមិនមែនជាកម្មករ ស្ថិតក្នុងចំណោមរងគ្រោះដែរឬទេ។
អភិបាលខេត្ត Cebu លោក Nestor Archival បានអះអាងថា មនុស្ស ១២នាក់ត្រូវបានជួយសង្គ្រោះ និង ៣៨នាក់បាត់ខ្លួន។
ភ្លាមៗនោះ តួលេខអ្នកបាត់ខ្លួន និងអ្នកដែលត្រូវបានជួយសង្គ្រោះ រវាងប៉ូលិស និងអាជ្ញាធរតំបន់ មិនមានការបញ្ជាក់នៅឡើយទេ៕