អ្នកវិទ្យាសាស្ត្រចិន កំពុងអភិវឌ្ឍ មនុស្សយន្តដែលអាចមានផ្ទៃពោះដំបូងគេបង្អស់របស់ពិភពលោក។
មនុស្សយន្តត្រូវបានរចនាឡើង ដើម្បីបង្កើតទារកក្នុងស្បូនសិប្បនិម្មិត និងសម្រាលកូនដែលមានជីវិត។
នេះបើយោងតាមការចុះផ្សាយ The Telegraph។
គម្រោងនេះដឹកនាំដោយក្រុមហ៊ុន Kaiwa Technology ដែលមានមូលដ្ឋាននៅទីក្រុងក្វាងចូវ ក្រោមការដឹកនាំរបស់លោកវេជ្ជបណ្ឌិត Zhang Qifeng ជាមួយនឹងគំរូដើមដែលរំពឹងទុកនៅឆ្នាំ២០២៦ និងមាននុងតម្លៃប្រហែល ១០០,០០០យន់ (ជិត១៥,០០០ដុល្លារ)។
ក្នុងដំណើរការនេះ ទារកនឹងលូតលាស់នៅក្នុងស្បូនសិប្បនិម្មិត ហើយទទួលបានសារធាតុចិញ្ចឹមតាមរយៈបំពង់ពិសេសមួយដែលគេរៀបចំ។
នេះគ្រាន់តែជាការបង្ហើបបន្តិចបន្តួចប៉ុណ្ណោះ ខណៈព័ត៌មានលម្អិតអំពីការបង្កកំណើតមិនត្រូវបានទម្លាយឡើយ។
បច្ចេកវិទ្យានេះ អាចជួយដល់គូស្វាមីភរិយាដែលគ្មានកូន អាចទទួលបានកូនផ្ទាល់ខ្លួន ប៉ុន្តែវាបានបង្កឱ្យមានការជជែកវែកញែកខាងសីលធម៌លើចំណង ការយល់ព្រម និងផលប៉ះពាល់៕