អ៊ីរ៉ង់បានបើកដែនអាកាសរបស់ខ្លួនឡើងវិញ កាលពីព្រឹកថ្ងៃព្រហស្បតិ៍ទី១៥ខែមករា បន្ទាប់ពីបានបិទជើងហោះហើរបណ្តោះអាសន្ន ដោយសារភាពភ័យខ្លាចនៃការវាយប្រហារពីសហរដ្ឋអាមេរិក។ ការបិទដែនអាកាសនេះបានកើតឡើងចំពេលប្រធានាធិបតីអាមេរិក Donald Trump បន្តគំរាមកំហែងប្រឆាំងអ៊ីរ៉ង់ បន្ទាប់ពីការបង្ក្រាបយ៉ាងសាហាវលើការតវ៉ាផ្ទៃក្នុងប្រទេស។
ប្រភពពីសារព័ត៌មានAl Jazeera។
ដែនអាកាសត្រូវបានបើកឡើងវិញនៅប្រហែលម៉ោង ៧ ព្រឹកម៉ោងក្នុងស្រុក ខណៈអាជ្ញាធរអាកាសចរណ៍អ៊ីរ៉ង់ និងអាមេរិកមិនបានផ្តល់ការអត្ថាធិប្បាយបន្ថែមភ្លាមៗនោះទេ។
ស្ថានការណ៍នេះបានធ្វើឱ្យភាពតានតឹងក្នុងតំបន់កាន់តែខ្លាំងឡើង។ សហរដ្ឋអាមេរិក និងចក្រភពអង់គ្លេសបានដកបុគ្គលិកយោធាមួយចំនួនចេញពីមូលដ្ឋានទ័ពអាកាស Al Udeid នៅប្រទេសកាតា ខណៈអ៊ីរ៉ង់បានព្រមានថា ខ្លួនអាចកំណត់គោលដៅកងកម្លាំងអាមេរិកនៅមជ្ឈិមបូព៌ា ប្រសិនបើមានការវាយប្រហារកើតឡើង៕