យោធាសហរដ្ឋអាមេរិក បានវាយប្រហារនាវាមួយគ្រឿងនៅតំបន់ភាគខាងកើតមហាសមុទ្រប៉ាស៊ីហ្វិក ដែលសង្ស័យថាមានទំនាក់ទំនងនឹងសកម្មភាពជួញដូរគ្រឿងញៀន ឬក្រុមដែលត្រូវបានកំណត់ថាជាអង្គការភេរវកម្ម។
ប្រភពពីសារព័ត៌មានTRT World នៅថ្ងៃទី១៧ខែមិថុនា។
បញ្ជាការភាគខាងត្បូងអាមេរិក (SOUTHCOM) បានឱ្យដឹងថា ការវាយប្រហារនេះបានបណ្តាលឱ្យបុរសម្នាក់ស្លាប់ ខណៈមនុស្សពីរនាក់ទៀតត្រូវបានជួយសង្គ្រោះ។
ក្រោយហេតុការណ៍ ឆ្មាំសមុទ្រអាមេរិកត្រូវបានបញ្ជូនទៅធ្វើប្រតិបត្តិការស្វែងរក និងជួយសង្គ្រោះអ្នកនៅរស់។
ទោះជាយ៉ាងណា ក្រុមសិទ្ធិមនុស្សមួយចំនួនបានចោទសួរអំពីភាពស្របច្បាប់នៃការប្រើកម្លាំងយោធាលើនាវាស៊ីវិល និងទាមទារឱ្យមានការស៊ើបអង្កេតបន្ថែមលើហេតុការណ៍នេះ៕
