អគ្គីភ័យដ៏ធំមួយបានឆាបឆេះផ្សារទំនើបច្រើនជាន់មួយកន្លែងនៅទីក្រុងការ៉ាជី ភាគខាងត្បូងប្រទេសប៉ាគីស្ថាន នៅយប់ថ្ងៃសៅរ៍ ។
បណ្ដាលឲ្យមនុស្សយ៉ាងហោចណាស់ 3 នាក់ស្លាប់ និងប្រហែល 10 នាក់ផ្សេងទៀតរងរបួស។
អគ្គីភ័យបានផ្ទុះឡើងនៅ Gul Plaza ខណៈពេលម្ចាស់ហាងភាគច្រើនកំពុងបិទហាង ឬចាកចេញរួចហើយ។
ប្រភពពីសារព័ត៌មានAP នៅថ្ងៃទី១៨ ខែមករា។
ក្រុមពន្លត់អគ្គីភ័យ និងក្រុមជួយសង្គ្រោះបានទៅដល់កន្លែងកើតហេតុភ្លាមៗក្រោយម៉ោង 10 យប់ ហើយប្រើជណ្ដើរ កាណុងទឹក និងទុយោ ដើម្បីទប់ស្កាត់អណ្តាតភ្លើងដែលរាលដាលយ៉ាងឆាប់រហ័ស។ ផ្សែងខ្មៅក្រាស់បានហុយឡើងលើមេឃ។
មូលហេតុនៃអគ្គីភ័យមិនទាន់ត្រូវបានបញ្ជាក់នៅឡើយទេ ហើយអាជ្ញាធរបានប្រកាសថានឹងចាប់ផ្តើមស៊ើបអង្កេតបន្ទាប់ពីអគ្គីភ័យត្រូវបានពន្លត់។ មន្ត្រីបានបញ្ជាក់ថា ការខ្វះប្រព័ន្ធបង្ការ និងពន្លត់អគ្គីភ័យនៅអគារច្រើនក្នុងទីក្រុងការ៉ាជី គឺជាមូលហេតុធ្វើឲ្យឧបទ្ទវហេតុបែបនេះកើតឡើងញឹកញាប់៕