មេដឹកនាំអឺរ៉ុបជាច្រើនបានចេញមុខថ្កោលទោសយ៉ាងខ្លាំង ចំពោះការគំរាមកំហែងរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ ក្នុងការដាក់ពន្ធគយលើប្រទេសសម្ព័ន្ធមិត្តអឺរ៉ុប ដែលប្រឆាំងនឹងការទាមទាររបស់លោកក្នុងការដណ្តើមយកកោះ Greenland ដោយចាត់ទុកថា ជាចលនាដែលមិនអាចទទួលយកបាននិងខុសទាំងស្រុង។
ប្រភពពីសារព័ត៌មានBBCកាលពីថ្ងៃទី១៨ខែមករា។
នាយករដ្ឋមន្ត្រីចក្រភពអង់គ្លេស លោក Keir Starmer បានបញ្ជាក់ថា ការគំរាមនេះផ្ទុយពីគោលការណ៍សម្ព័ន្ធភាព ខណៈប្រធានាធិបតីបារាំង លោក Emmanuel Macron បានអះអាងថា វាជាចលនាមិនអាចទទួលយកបានសម្រាប់អឺរ៉ុប។ ការរិះគន់នេះកើតឡើង បន្ទាប់ពីលោក Trump ប្រកាសថា សហរដ្ឋអាមេរិកនឹងដាក់ពន្ធគយ ១០% លើទំនិញពីប្រទេសអឺរ៉ុបចំនួនប្រាំបី ដោយអាចបង្កើនដល់ ២៥% ប្រសិនបើមិនសម្រេចកិច្ចព្រមព្រៀង។
សហភាពអឺរ៉ុបបានកោះប្រជុំបន្ទាន់នៅទីក្រុងព្រុចសែល ដើម្បីពិភាក្សាអំពីវិធានការឆ្លើយតប ខណៈដែលមានការតវ៉ាដ៏ធំនៅ Greenland និងប្រទេសដាណឺម៉ាក ប្រឆាំងនឹងការទាមទាររបស់សហរដ្ឋអាមេរិក។ ទោះមានប្រជាជនតិចតួច ក៏ដោយ Greenland មានសារៈសំខាន់យុទ្ធសាស្ត្រខ្ពស់ ដោយសារទីតាំង និងធនធានធម្មជាតិ ដែលធ្វើឲ្យវាក្លាយជាចំណុចចាប់អារម្មណ៍សម្រាប់សន្តិសុខអន្តរជាតិ៕