កាលពីថ្ងៃទី ២៤ ខែមករា ឆ្នាំ ២០២៦ រដ្ឋាភិបាលស៊ីរីបានប្រកាសពង្រីកបទឈប់បាញ់ជាមួយកងកម្លាំងប្រជាធិបតេយ្យស៊ីរី (SDF) ដែលដឹកនាំដោយជនជាតិឃឺដ រយៈពេលបន្ថែម ១៥ ថ្ងៃ បន្ទាប់ពីបទឈប់បាញ់ដំបូងរយៈពេល៤ថ្ងៃបានផុតកំណត់។
ប្រភពពីសារព័ត៌មានAl Jazeera។
ក្រសួងការពារជាតិស៊ីរីបានបញ្ជាក់ថា ការពង្រីកនេះមានគោលបំណងគាំទ្រប្រតិបត្តិការរបស់សហរដ្ឋអាមេរិក ក្នុងការផ្ទេរអ្នកទោសដែលមានទំនាក់ទំនងជាមួយក្រុម ISIL ពីកន្លែងឃុំឃាំងដែលធ្លាប់ស្ថិតក្រោមការគ្រប់គ្រងរបស់ SDF ដើម្បីធានាសុវត្ថិភាព និងការគ្រប់គ្រងប្រកបដោយស្ថិរភាព។
ភាគី SDF ក៏បានបញ្ជាក់ពីការយល់ព្រមលើការពង្រីកបទឈប់បាញ់នេះ ដោយថ្លែងថា វាជួយបន្ធូរបន្ថយភាពតានតឹង ការពារជនស៊ីវិល និងបង្កើតលក្ខខណ្ឌចាំបាច់សម្រាប់ស្ថិរភាពនៅតំបន់ដែលរងការប្រយុទ្ធ៕