សម្ព័ន្ធភាពនយោបាយស៊ីអ៊ីតដែលមានសំឡេងភាគច្រើននៅក្នុងសភាអ៊ីរ៉ាក់ បានតែងតាំងអតីតនាយករដ្ឋមន្ត្រី លោកNouri al-Maliki ជាបេក្ខជនសម្រាប់តំណែងនាយករដ្ឋមន្ត្រីបន្ទាប់ បើកផ្លូវឱ្យលោកអាចវិលត្រឡប់មកកាន់អំណាចវិញ ក្រោយពីអវត្តមានអស់រយៈពេលជាច្រើនឆ្នាំ។
ប្រភពពីសារព័ត៌មានAl Jazeera នៅថ្ងៃទី២៥ខែមករា។
ក្របខ័ណ្ឌសម្របសម្រួលស៊ីអ៊ីត បានបញ្ជាក់ថា ការជ្រើសរើសលោក al-Maliki គឺផ្អែកលើបទពិសោធន៍នយោបាយ និងរដ្ឋបាលរបស់លោក ព្រមទាំងតួនាទីរបស់លោកក្នុងការគ្រប់គ្រងរដ្ឋ។ លោក al-Maliki អាយុ 75 ឆ្នាំ ធ្លាប់កាន់តំណែងនាយករដ្ឋមន្ត្រីចាប់ពីឆ្នាំ 2006 ដល់ 2014 ក្នុងអំឡុងពេលដែលប្រទេសអ៊ីរ៉ាក់ប្រឈមនឹងអំពើហិង្សា និងអស្ថិរភាពខ្លាំង បន្ទាប់ពីការឈ្លានពានដឹកនាំដោយសហរដ្ឋអាមេរិក៕