នៅថ្ងៃទី ៣១ ខែមករា អ៊ីរ៉ង់បានប្រកាសរៀបចំសមយុទ្ធកងទ័ពជើងទឹកបាញ់គ្រាប់ពិតរយៈពេលពីរថ្ងៃ នៅច្រកសមុទ្រ Hormuz ដែលគ្រោងចាប់ផ្តើមនៅថ្ងៃអាទិត្យ ខណៈដែលសហរដ្ឋអាមេរិកបានបង្កើនវត្តមានយោធារបស់ខ្លួននៅមជ្ឈិមបូព៌ា រួមទាំងការដាក់ពង្រាយនាវាផ្ទុកយន្តហោះ USS Abraham Lincoln។
ប្រភពពីសារព័ត៌មានAl Jazeera។
បញ្ជាការកណ្តាលយោធាអាមេរិក (CENTCOM) បានចេញការព្រមានទៅកាន់អ៊ីរ៉ង់ ដោយបញ្ជាក់ថា ខ្លួននឹងមិនអត់ឱនចំពោះសកម្មភាពយោធាដែលមិនមានសុវត្ថិភាព ដូចជាការហោះហើរយន្តហោះលើនាវាចម្បាំងអាមេរិក ឬការចូលទៅជិតដោយទូកល្បឿនលឿនដែលអាចបង្កហានិភ័យប៉ះទង្គិច។
ទន្ទឹមនឹងនេះ រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា មិនមានការចរចាផ្លូវការណាមួយជាមួយសហរដ្ឋអាមេរិកនៅពេលនេះទេ៕