កាលពីថ្ងៃទី៣០ ខែមករា អាមេរិក បានប្រកាសដាក់ទណ្ឌកម្មលើ រដ្ឋមន្ត្រីមហាផ្ទៃអ៊ីរ៉ង់ លោក Eskandar Momeni និងអ្នកជំនួញម្នាក់ទៀត។
ដោយថា បានជួយលាងលុយឱ្យទីក្រុងតេហេរ៉ង់ ខណៈដែលរដ្ឋបាលប្រធានាធិបតី ដូណាល់ ត្រាំ កំពុងបង្កើនសម្ពាធលើអ៊ីរ៉ង់។
សារព័ត៌មាន Reuters។
ក្រសួងហិរញ្ញវត្ថុអាមេរិក បានឱ្យដឹងថា លោក Momeni ត្រូវទទួលខុសត្រូវចំពោះការបង្ក្រាបសម្លាប់បាតុករក្នុងប្រទេសអ៊ីរ៉ង នៅក្នុងខែនេះ ហេីយមន្ត្រីសន្តិសុខអ៊ីរ៉ង់ ៥នាក់ផ្សេងទៀតត្រូវរងនូវទណ្ឌកម្ម ពាក់ព័ន្ធនឹងការគាបសង្កត់ប្រជាជនអ៊ីរ៉ង់។
អ្នកជំនួញ លោក Babak Zanjani និងក្រុមហ៊ុនជួញដូរចំនួនពីរដែលចុះបញ្ជីនៅចក្រភពអង់គ្លេស ក៏ស្ថិតក្នុងបញ្ជីទណ្ឌកម្មកាលពីថ្ងៃសុក្រនេះដែរ ដោយក្រសួងហិរញ្ញវត្ថុអាមេរិកចោទប្រកាន់ថាបានផ្តល់មូលនិធិទៅឱ្យកងកម្លាំងឆ្មាំបដិវត្តន៍អ៊ីរ៉ង់។
រដ្ឋមន្ត្រីក្រសួងហិរញ្ញវត្ថុអាមេរិក លោក Scott Bessent បាននិយាយថា សហរដ្ឋអាមេរិក នឹងបន្តកំណត់គោលដៅឥស្សរជនអ៊ីរ៉ង់ និងបណ្តាញរបស់ពួកគេ៕