ចិន ស៉ើបអង្កេតលេីរដ្ឋមន្រ្តីគ្រប់គ្រងគ្រាអាសន្ន ពាក់ព័ន្ធការប្រព្រឹត្តអំពើពុករលួយបំពានវិន័យនិងច្បាប់!

អង្គភាពប្រឆាំងអំពើពុករលួយ បានប្រកាសនាថ្ងៃទី៣១ ខែមករា​ថា រដ្ឋមន្ត្រីគ្រប់គ្រងគ្រាអាសន្ន របស់ប្រទេសចិន លោក Wang Xiangxi កំពុងស្ថិតក្រោមការស៊ើបអង្កេត សម្រាប់ការសង្ស័យបំពានលេីវិន័យ និងច្បាប់យ៉ាងធ្ងន់ធ្ងរ។

សារព័ត៌មាន Reuters។

លោក Wang អាយុ៦៣ឆ្នាំ បានចូលកាន់តំណែងជារដ្ឋមន្ត្រីគ្រប់គ្រងគ្រាអាសន្ន នៅខែកក្កដា ឆ្នាំ២០២២ បន្ទាប់ពីកាន់តំណែងជាប្រធានក្រុមហ៊ុនថាមព លរដ្ឋចិន National Energy Investment Corp។

នៅក្នុងសេចក្តីថ្លែងការណ៍របស់ខ្លួន គណៈកម្មាធិការអធិការកិច្ចវិន័យ មិនបានផ្តល់ព័ត៌មានលម្អិតជុំវិញការស៉េីបអង្កេតលេីរូបលោក Wang នោះទេ។
វាជារឿងដ៏កម្រមួយសម្រាប់រដ្ឋមន្ត្រីក្នុងមុខតំណែង ដែលត្រូវរងការស៊ើបអង្កេត។

កាលពីដេីមខែមករា ប្រធានាធិបតីចិន​ លោក ស៊ី ជីនពីង​ បាននិយាយថា ការប្រឆាំងអំពើពុករលួយ គឺជាសមរភូមិដែលចិនមិនត្រូវចុះចាញ់ឡើយ​ ។
បន្ទាប់ពីមានកំណត់ត្រាស៉េីបអង្កេតទៅលេីមន្រ្តីជាន់ខ្ពស់ចំនួន ៦៥នាក់កាលពីឆ្នាំមុន ។
ខណៈដែលការត្រួតពិនិត្យបានពង្រីកដល់អតីតថ្នាក់ដឹកនាំនៃសាកលវិទ្យាល័យនានា និងសហគ្រាសរដ្ឋ៕