លោក Elon Musk បានប្រកាសថា ក្រុមហ៊ុន SpaceX របស់លោកបានទិញយកក្រុមហ៊ុនបញ្ញាសិប្បនិម្មិត xAI ក្នុងគម្រោងដ៏មហិច្ឆតាមួយ ដើម្បីសាងសង់មជ្ឈមណ្ឌលទិន្នន័យ AI ដែលមានមូលដ្ឋាននៅលំហអាកាស និងដំណើរការដោយថាមពលព្រះអាទិត្យ។
ប្រភពពីសារព័ត៌មានAl jazeeraនៅថ្ងៃទី៣ខែកុម្ភៈ។
លោកបានអះអាងថា មជ្ឈមណ្ឌលទិន្នន័យដែលមានមូលដ្ឋានលើលំហអាកាស និងប្រើប្រាស់ថាមពលព្រះអាទិត្យ គឺជាដំណោះស្រាយរយៈពេលវែងតែមួយគត់សម្រាប់ការពង្រីកបញ្ញាសិប្បនិម្មិត។ លោក Musk ក៏បានព្យាករណ៍ថា ក្នុងរយៈពេល ២ ទៅ ៣ ឆ្នាំខាងមុខ ការគណនាសមត្ថភាព AI ដែលមានតម្លៃទាបបំផុត នឹងអាចធ្វើបាននៅលំហអាកាស។
គម្រោងនេះត្រូវបានមើលឃើញថា ជាជំហានថ្មីដ៏សំខាន់ក្នុងការភ្ជាប់បច្ចេកវិទ្យាអវកាស និងបញ្ញាសិប្បនិម្មិត ដើម្បីឆ្លើយតបទៅនឹងតម្រូវការបច្ចេកវិទ្យានាពេលអនាគត៕