ទីក្រុងមូស្គូបានបញ្ជាក់ថា កងកម្លាំងរុស្ស៊ីបានចូលរួមជាមួយកងទ័ពនីហ្សេរ ដើម្បីរុញច្រានការវាយប្រហាររបស់ក្រុម ISIL លើអាកាសយានដ្ឋានអន្តរជាតិ Diori Hamani នៅរដ្ឋធានី Niamey កាលពីចុងខែមករា ឆ្នាំ 2026។
ប្រភពពីសារព័ត៌មានAl Jazeera នៅថ្ងៃទី៣ខែកុម្ភៈ។
ក្រសួងការបរទេសរុស្ស៊ីបានថ្កោលទោសយ៉ាងខ្លាំងចំពោះការវាយប្រហារជ្រុលនិយមនេះ និងបានបញ្ជាក់ថា វាត្រូវបានទប់ស្កាត់តាមរយៈកិច្ចខិតខំប្រឹងប្រែងរួមគ្នារបស់កងកម្លាំងរុស្ស៊ី និងកងកម្លាំងប្រដាប់អាវុធនីហ្សេរ។ ក្នុងហេតុការណ៍នេះ អ្នកវាយប្រហារចំនួនប្រហែល 20 នាក់ត្រូវបានសម្លាប់ មនុស្សយ៉ាងហោចណាស់ 11 នាក់ត្រូវបានចាប់ខ្លួន ខណៈដែលទាហាននីហ្សេរ 4 នាក់បានរងរបួស។
សូមបញ្ជាក់ថា៖ មេដឹកនាំយោធានីហ្សេរ លោក Abdourahamane Tchiani បានទៅទស្សនាមូលដ្ឋានយោធារុស្ស៊ីនៅ Niamey ដើម្បីបង្ហាញការដឹងគុណចំពោះតួនាទីរបស់កងកម្លាំងរុស្ស៊ី៕