មនុស្សយ៉ាងហោចណាស់៥៣នាក់ ត្រូវបានរាយការណ៍ថាស្លាប់និងបាត់ខ្លួន បន្ទាប់ពីទូកកៅស៊ូមួយដែលដឹកជនភៀសខ្លួន និងជនអន្តោប្រវេសន៍រាប់សិបនាក់ បានក្រឡាប់នៅឆ្នេរសមុទ្រ Zuwara ភាគពាយ័ព្យនៃប្រទេសលីប៊ី កាលពីថ្ងៃទី ៦ ខែកុម្ភៈ ឆ្នាំ២០២៦។
ប្រភពពីសារព័ត៌មានAl Jazeera នៅថ្ងៃទី៩ខែកុម្ភៈ។
អង្គការអន្តរជាតិសម្រាប់អន្តោប្រវេសន៍ (IOM) បានបញ្ជាក់ថា ទូកនេះដឹកមនុស្សប្រហែល ៥៥ នាក់ និងបានចេញដំណើរពីទីក្រុង Zawia នៅយប់ថ្ងៃទី ៥ ខែកុម្ភៈ មុននឹងក្រឡាប់ប្រហែលប្រាំមួយម៉ោងក្រោយមក។ អ្នករស់រានមានជីវិតពីរនាក់ត្រូវបានផ្តល់ការថែទាំសុខភាពបន្ទាន់ បន្ទាប់ពីចុះពីលើនាវា។
យោងតាម IOM ជនភៀសខ្លួន និងជនអន្តោប្រវេសន៍នៅលើទូកភាគច្រើនមកពីបណ្តាប្រទេសអាហ្វ្រិក ហើយហេតុការណ៍នេះបានធ្វើឱ្យចំនួនមនុស្សដែលត្រូវបានរាយការណ៍ថាស្លាប់ ឬបាត់ខ្លួននៅលើផ្លូវមេឌីទែរ៉ាណេកណ្តាលក្នុងឆ្នាំនេះ កើនឡើងដល់យ៉ាងហោចណាស់ ៤៨៤ នាក់៕