ឧទ្ធម្ភាគចក្រ AH-1S Cobra របស់កងទ័ពកូរ៉េខាងត្បូង បានធ្លាក់នៅថ្ងៃចន្ទ អំឡុងពេលហោះហើរហ្វឹកហាត់នៅតំបន់ Gapyeong ភាគខាងជើងប្រទេស បណ្តាលឲ្យសមាជិកនាវិកទាំងពីរនាក់នៅលើយន្តហោះស្លាប់។
ប្រភពពីសារព័ត៌មានReuters នៅថ្ងៃទី៩ខែកុម្ភៈ។
យោងតាមសេចក្តីថ្លែងការណ៍របស់យោធាកូរ៉េខាងត្បូង ឧទ្ធម្ភាគចក្របានធ្លាក់ភ្លាមៗបន្ទាប់ពីម៉ោង ១១ ព្រឹក ម៉ោងក្នុងស្រុក ខណៈមូលហេតុនៃគ្រោះថ្នាក់នៅតែមិនទាន់ច្បាស់លាស់។ អាជ្ញាធរយោធាបានបិទកន្លែងកើតហេតុ និងកំពុងចាប់ផ្តើមស៊ើបអង្កេត ដើម្បីកំណត់មូលហេតុនៃការធ្លាក់នេះ។
សូមបញ្ជាក់ថា៖ យន្តហោះប្រភេទ AH-1S Cobra ត្រូវបានប្រើសម្រាប់បេសកកម្មវាយប្រហារ និងហ្វឹកហាត់យោធា ហើយហេតុការណ៍នេះបានបង្កការព្រួយបារម្ភអំពីសុវត្ថិភាពក្នុងការហោះហើរហ្វឹកហាត់របស់កងទ័ពកូរ៉េខាងត្បូង៕