ភាពតានតឹងរវាងសហរដ្ឋអាមេរិក និងអ៊ីរ៉ង់កំពុងកើនឡើងបន្តទៀត បន្ទាប់ពីប្រធានាធិបតីអាមេរិក លោក Donald Trump ព្រមានថា សហរដ្ឋអាមេរិកអាចចាត់វិធានការយោធា ប្រសិនបើទីក្រុងតេអេរ៉ង់មិនព្រមបំពេញតាមការទាមទាររបស់វ៉ាស៊ីនតោន។
ប្រភពពីសារព័ត៌មានAl Jazeera នៅថ្ងៃទី១១ខែកុម្ភៈ។
ក្នុងបទសម្ភាសន៍ជាមួយប៉ុស្តិ៍លេខ 12 របស់អ៊ីស្រាអែល លោក Trump បានបញ្ជាក់ថាការព្រមាននេះពាក់ព័ន្ធនឹងបញ្ហានុយក្លេអ៊ែរ និងកម្មវិធីមីស៊ីលផ្លោងរបស់អ៊ីរ៉ង់។
ការកើនឡើងនៃកម្លាំងយោធាអាមេរិកបានបង្កការព្រួយបារម្ភថា អាចនាំទៅរកការប៉ះទង្គិចយោធាដែលធ្វើឱ្យតំបន់មានភាពអស្ថិរភាពខ្លាំង។ ជាមួយគ្នានេះ សហរដ្ឋអាមេរិកក៏បានណែនាំនាវាពាណិជ្ជកម្មដែលមានទង់ជាតិអាមេរិកឱ្យជៀសវាងដែនទឹកអ៊ីរ៉ង់ឱ្យឆ្ងាយតាមដែលអាចធ្វើទៅបានផងដែរ៕