កាលពីថ្ងៃទី ១០ ខែកុម្ភៈ ឆ្នាំ ២០២៦ បេសកជនប៉ាឡេស្ទីនប្រចាំអង្គការសហប្រជាជាតិ បានអំពាវនាវឱ្យដៃគូដ៏មានឥទ្ធិពលក្នុងសហគមន៍អន្តរជាតិ ចាត់វិធានការទប់ស្កាត់អ៊ីស្រាអែលពីការពង្រីកការគ្រប់គ្រងលើតំបន់ West Bank ដែលកាន់កាប់។
ប្រភពពីសារព័ត៌មានAl Jazeera។
លោក Riyad Mansour ឯកអគ្គរដ្ឋទូតប៉ាឡេស្ទីន បានថ្លែងនៅទីស្នាក់ការអង្គការសហប្រជាជាតិ ក្នុងទីក្រុងញូវយ៉ក ថាប្រជាជនប៉ាឡេស្ទីនកំពុងខិតខំប្រឹងប្រែងផ្លូវការទូត ដើម្បីប្រឆាំងនឹងចលនាខុសច្បាប់របស់អ៊ីស្រាអែល។ លោកបានអំពាវនាវឱ្យប្រទេសមានឥទ្ធិពល ចូលរួមទប់ស្កាត់អ៊ីស្រាអែលពីការរំលោភច្បាប់អន្តរជាតិ និងការមិនគោរពឆន្ទៈសហគមន៍អន្តរជាតិ។
សូមបញ្ជាក់ថា៖ ការអំពាវនាវនេះកើតឡើង បន្ទាប់ពីគណៈរដ្ឋមន្ត្រីសន្តិសុខអ៊ីស្រាអែលអនុម័តវិធានការថ្មី ដែលធ្វើឱ្យជនជាតិអ៊ីស្រាអែលអាចដណ្តើម និងទិញអចលនទ្រព្យនៅ West Bank បានកាន់តែងាយស្រួល៕