នៅថ្ងៃទី១១ ខែកុម្ភៈ ឆ្នាំ២០២៦ គ្រួសាររបស់សកម្មជនគាំទ្រប៉ាឡេស្ទីន Leqaa Kordia អាយុ៣៣ឆ្នាំម្នាក់ បានអំពាវនាវឱ្យអាជ្ញាធរសហរដ្ឋអាមេរិកដោះលែងនាងជាបន្ទាន់ ដោយសារនាងត្រូវបានបញ្ជូនទៅមន្ទីរពេទ្យបន្ទាន់ពីមជ្ឈមណ្ឌលឃុំឃាំងអន្តោប្រវេសន៍ក្នុងរដ្ឋតិចសាស់។
ប្រភពពីសារព័ត៌មានAl Jazeera។
តាមការអះអាងរបស់គ្រួសារ និងមេធាវីរបស់នាង ពួកគេមិនទទួលបានព័ត៌មានអំពីស្ថានភាព និងទីតាំងរបស់នាងអស់រយៈពេលជាង ១២ ម៉ោង បណ្តាលឱ្យមានការព្រួយបារម្ភយ៉ាងខ្លាំង។
ក្រោយមក គ្រួសារបានបញ្ជាក់ថានាងKordia បានដោះលែងចេញពីមន្ទីរពេទ្យ បន្ទាប់ពីទទួលរងជំងឺប្រកាច់។ ទោះជាយ៉ាងណា នាងនៅតែស្ថិតក្រោមការឃុំខ្លួនអន្តោប្រវេសន៍ ដែលបានបន្តជិតមួយឆ្នាំមកហើយ៕