នៅថ្ងៃទី ១១ ខែកុម្ភៈ ឆ្នាំ ២០២៦ ប្រធានាធិបតីកូឡុំប៊ី លោក Gustavo Petro បានអះអាងថាលោកបានគេចផុតពីការប៉ុនប៉ងធ្វើឃាតថ្មីមួយ ខណៈកំពុងធ្វើដំណើរតាមឧទ្ធម្ភាគចក្រជាមួយកូនស្រីរបស់លោក នៅតំបន់ឆ្នេរសមុទ្រការ៉ាប៊ីន។
ប្រភពពីសារព័ត៌មានAl Jazeera។
លោក Petro បាននិយាយថា ឧទ្ធម្ភាគចក្ររបស់លោកមិនអាចចុះចតតាមគម្រោងបានទេ បន្ទាប់ពីទទួលបានព័ត៌មានថា អាចមានការបាញ់ប្រហារលើយន្តហោះ។ ដោយសារហានិភ័យសន្តិសុខ លោកត្រូវប្តូរផែនការធ្វើដំណើរ ហើយឧទ្ធម្ភាគចក្របានហោះទៅលើសមុទ្របើកចំហរយៈពេលជាច្រើនម៉ោង មុនចុះចតនៅទីតាំងផ្សេង ដោយមានការគាំទ្រពីកងទ័ពជើងទឹកកូឡុំប៊ី។
សូមបញ្ជាក់ថា៖ ហេតុការណ៍នេះកើតឡើងក្នុងបរិបទអំពើហិង្សាកើនឡើងនៅកូឡុំប៊ី មុនការបោះឆ្នោតប្រធានាធិបតីខាងមុខ។ នៅថ្ងៃដូចគ្នា សមាជិកព្រឹទ្ធសភា Aida Quilcue ត្រូវបានចាប់ពង្រត់ក្នុងតំបន់ Cauca ប៉ុន្តែបន្ទាប់មកត្រូវបានដោះលែងដោយសុវត្ថិភាព៕