នៅថ្ងៃទី19 ខែកុម្ភៈ ឆ្នាំ2026 មនុស្សចំនួន ៥ នាក់បានស្លាប់ និងយ៉ាងហោចណាស់២៩នាក់រងរបួស បន្ទាប់ពីមានគ្រោះថ្នាក់ចរាចរណ៍ជាបន្តបន្ទាប់ពាក់ព័ន្ធនឹងយានយន្តជាង៣០គ្រឿង នៅលើផ្លូវអន្តររដ្ឋលេខ ២៥ (I-25) ជិតទីក្រុង Pueblo រដ្ឋ Colorado។
ប្រភពពីសារព័ត៌មានAP។
ប៉ូលីសរដ្ឋ Colorado បានឲ្យដឹងថា ដំបូងមានអ្នកស្លាប់ ៤ នាក់ ប៉ុន្តែម្នាក់ក្នុងចំណោមអ្នករងរបួសដែលត្រូវបានបញ្ជូនទៅមន្ទីរពេទ្យ បានស្លាប់ដោយសាររបួសធ្ងន់ធ្ងរ។
មូលហេតុនៃគ្រោះថ្នាក់គឺបណ្តាលមកពីខ្យល់បក់ខ្លាំង បង្កឲ្យដីហុយបក់កាត់ផ្លូវប្រហែលម៉ោង ១០ ព្រឹកថ្ងៃអង្គារ ធ្វើឲ្យមើលទេសភាពមិនឃើញ។
អាជ្ញាធរបានបញ្ជាក់ថាអ្នករងរបួសត្រូវបានបញ្ជូនទៅមន្ទីរពេទ្យជាមួយរបួសចាប់ពីស្រាលដល់ធ្ងន់ធ្ងរ ខណៈអាជ្ញាធរបន្តស៊ើបអង្កេតមូលហេតុ និងវាយតម្លៃផលប៉ះពាល់៕