នៅថ្ងៃទី19 ខែកុម្ភៈ ឆ្នាំ2026 កិច្ចចរចាត្រីភាគីរវាងរុស្ស៊ី-អ៊ុយក្រែន និងអាមេរិក ដែលមានគោលបំណងបញ្ចប់សង្គ្រាមបានបញ្ចប់ដោយមិនទទួលបានលទ្ធផលជាក់លាក់ បន្ទាប់ពីការពិភាក្សារយៈពេលពីរថ្ងៃនៅទីក្រុងហ្សឺណែវ នៃប្រទេសស្វីស។
ប្រភពពីសារព័ត៌មានBBC។
ទោះបីជាអ្នកតំណាងអាមេរិក លោក Steve Witkoff បង្ហាញសុទិដ្ឋិនិយមថា មានវឌ្ឍនភាពក៏ដោយមេដឹកនាំអ៊ុយក្រែន លោកVolodymyr Zelensky និងអ្នកចរចារុស្ស៊ីបានពិពណ៌នាការចរចាថាពិបាកនិងមិនងាយស្រួល។
ប្រភពការទូតអ៊ុយក្រែនឲ្យដឹងថា មានវឌ្ឍនភាពខ្លះលើបញ្ហាយោធា ដូចជា ទីតាំងខ្សែបន្ទាត់មុខ និងការត្រួតពិនិត្យបទឈប់បាញ់។ ទោះយ៉ាងណា បញ្ហាទឹកដីនៅតែជាចំណុចជាប់គាំងធំ ពិសេសការទាមទាររបស់រុស្ស៊ីលើតំបន់ Donbas ភាគខាងកើត រួមមាន Donetsk និង Luhansk ដែលអ៊ុយក្រែនបដិសេធមិនព្រមលះបង់៕