សាកសពជនភៀសខ្លួនចំនួន ៥ នាក់ត្រូវបានរកឃើញលើឆ្នេរសមុទ្រនៅជិតរដ្ឋធានីទ្រីប៉ូលី នៃលីប៊ី ខណៈសាកសព៣ផ្សេងទៀតត្រូវបានរកឃើញក្រោយទូកឈើមួយក្រឡាប់នៅឯឆ្នេរសមុទ្រក្រេតនៃប្រទេសក្រិក។
ប្រភពពីសារព័ត៌មានAl Jazeera នៅថ្ងៃទី២២ខែកុម្ភៈ។
នៅក្រិក អាជ្ញាធរបានជួយសង្គ្រោះមនុស្សយ៉ាងហោចណាស់ ២០ នាក់ បន្ទាប់ពីទូកដឹកជនអន្តោប្រវេសន៍ប្រហែល ៥០ នាក់ក្រឡាប់។ អ្នករស់រានមានជីវិតភាគច្រើនជាជនជាតិអេហ្ស៊ីប និងស៊ូដង់ រួមទាំងអនីតិជនផងដែរ។ ប្រតិបត្តិការស្វែងរក និងជួយសង្គ្រោះនៅតែបន្ត ដោយមានការចូលរួមពីទីភ្នាក់ងារព្រំដែនអឺរ៉ុប Frontex។
សូបបញ្ជាក់ថា៖ វិបត្តិនេះបង្ហាញពីហានិភ័យធ្ងន់ធ្ងរដែលជនអន្តោប្រវេសន៍ និងជនភៀសខ្លួនប្រឈមមុខ ពេលព្យាយាមឆ្លងកាត់សមុទ្រពីលីប៊ីទៅអឺរ៉ុប។ ប្រទេសលីប៊ីបានក្លាយជាច្រកឆ្លងសំខាន់សម្រាប់អ្នករត់គេចពីជម្លោះ និងភាពក្រីក្រ ចាប់តាំងពីការដួលរលំនៃអតីតមេដឹកនាំ Muammar Gaddafi នៅឆ្នាំ ២០១១៕