នៅថ្ងៃអាទិត្យ កងកម្លាំងរបស់ប៉ាគីស្ថាន បានវាយប្រហារតាមអាកាសលើតំបន់ជាច្រើននៅភាគខាងកើត និងភាគអាគ្នេយ៍នៃអាហ្វហ្គានីស្ថាន ដើម្បីឆ្លើយតបនឹងការវាយប្រហារបំផ្ទុះគ្រាប់បែកអត្តឃាតថ្មីៗនៅក្នុងប្រទេសខ្លួន។
ប្រភពពីសារព័ត៌មានAndolu Agencyនៅថ្ងៃទី២២ខែកុម្ភៈ។
សារព័ត៌មាន TOLOnews បានរាយការណ៍ថា ការវាយប្រហារបានកើតឡើងនៅស្រុក Khogyani, Ghani Khel និង Behsud ក្នុងខេត្ត Nangarhar Province ព្រមទាំងស្រុក Barmal និង Urgun ក្នុងខេត្ត Paktika Province។ ប្រភពសន្តិសុខអះអាងថា នៅតំបន់ខ្លះមិនមានអ្នកស្លាប់ ឬរបួសត្រូវបានកត់ត្រា ប៉ុន្តែផ្ទះជនស៊ីវិលមួយនៅ Behsud ត្រូវបានវាយប្រហារ ហើយមានមនុស្សជាច្រើនជាប់ក្រោមគំនរបាក់បែក។
រហូតមកដល់ពេលនេះ មិនទាន់មានតួលេខផ្លូវការច្បាស់លាស់អំពីចំនួនអ្នកស្លាប់ និងរបួសត្រូវបានបញ្ជាក់ឡើយ ខណៈភាពតានតឹងតាមព្រំដែនរវាងប្រទេសទាំងពីរនៅតែបន្តកើនឡើង៕