នាយករដ្ឋមន្ត្រីឥណ្ឌា លោក នរេន្ទ្រា ម៉ូឌី បានប្រកាសថា ឥណ្ឌា និងអ៊ីស្រាអែល នឹងជំរុញការអភិវឌ្ឍរួមគ្នា។
លើការផលិត និងការផ្ទេរបច្ចេកវិទ្យាក្នុងវិស័យការពារជាតិ ព្រមទាំងធ្វើការរួមគ្នាឆ្ពោះទៅរកកិច្ចព្រមព្រៀងពាណិជ្ជកម្មសេរី (FTA)។
ព័ត៌មាន Reuters។
សេចក្តីថ្លែងការណ៍របស់ក្រសួងការបរទេសឥណ្ឌា អំឡុងទស្សនកិច្ចរយៈពេល២ថ្ងៃនេះ ។
ប្រទេសទាំងពីរ បានឯកភាពសហការគ្នាលើគម្រោងស្វែង រកទស្សនវិស័យថ្មីៗ ដើម្បីពង្រឹងសមត្ថភាពយុទ្ធសាស្ត្រ ការវាយតម្លៃហានិភ័យ និងការរៀបចំផែនការបច្ចេកវិទ្យាតាមរយៈបញ្ញាសិប្បនិមិត្ត (AI)។
អ៊ីស្រាអែល នឹងអនុញ្ញាតឱ្យពលករឥណ្ឌាចំនួន ៥ម៉ឺននាក់បន្ថែមទៀត ចូលទៅបម្រើការងារក្នុងវិស័យផលិតកម្ម សម្រាប់រយៈពេល៥ឆ្នាំខាងមុខ។
ដំណើរទស្សនកិច្ចរបស់មេដឹកនាំឥណ្ឌានៅពេលនេះ ធ្វើឡើងស្របពេលដែលសហរដ្ឋអាមេរិក កំពុងដាក់ពង្រាយកងទ័ពជើងទឹកយ៉ាងសន្ធឹកសន្ធាប់ នៅក្បែរតំបន់ឆ្នេរអ៊ីរ៉ង់ ដើម្បីត្រៀមលក្ខណៈសម្រាប់ការវាយប្រហារ ដែលអាចកើតមានឡើង៕