បុរសអ៊ីរ៉ង់ម្នាក់ និងស្ត្រីរ៉ូម៉ានីម្នាក់ទៀត ត្រូវបានចោទប្រកាន់ថា ព្យាយាមចូលទៅក្នុងមូលដ្ឋាននាវាមុជទឹកនុយក្លេអ៊ែររបស់ចក្រភពអង់គ្លេស នៅស្កុតឡែន នេះបើយោងតាមការចុះផ្សាយ របស់ប៉ូលីសស្កុតឡែននៅថ្ងៃសៅរ៍។
សារព័ត៌មាន(រ៉យទ័រ)នៅថ្ងៃទី២១.០៣.២០២៦។
អ្នកទាំងពីរ ត្រូវអង់គ្លេសចោទថាជាចារកម្មឱ្យអ៊ីរ៉ង់ ត្រូវបានចាប់ខ្លួន នៅថ្ងៃព្រហស្បតិ៍។
ការចោទប្រកាន់ទាំងនេះ កើតឡើងបីសប្តាហ៍នៅក្នុងសង្គ្រាមអាមេរិក-អ៊ីស្រាអែលលើអ៊ីរ៉ង់។
ខណៈពេលដែលចក្រភពអង់គ្លេសមិនបានចូលរួមក្នុងការវាយប្រហារលើអ៊ីរ៉ង់ ។
កងកម្លាំងរបស់ប្រទេសនេះ បានបាញ់ទម្លាក់មីស៊ីល និងយន្តហោះគ្មានមនុស្សបើករបស់អ៊ីរ៉ង់នៅក្នុងតំបន់ឈូងសមុទ្រ។
មូលដ្ឋានទ័ពជើងទឹក HM Naval Base Clyde មានទីតាំងនៅឆ្នេរសមុទ្រភាគខាងលិចនៃប្រទេសស្កុតឡែន ហើយជាគន្លឹះនៃសន្តិសុខរបស់ចក្រភពអង់គ្លេស ដែលជាកន្លែងផ្ទុកកងនាវាមុជទឹកដែលបំពាក់ដោយអាវុធនុយក្លេអ៊ែររបស់ប្រទេស ក៏ដូចជានាវាមុជទឹកវាយប្រហាររបស់ខ្លួន។
ប៉ូលីសស្កុតឡែន បាននិយាយថា បុរសអ៊ីរ៉ង់អាយុ ៣៤ ឆ្នាំ និងស្ត្រីរ៉ូម៉ានីអាយុ ៣១ ឆ្នាំ ត្រូវចូលបង្ហាញខ្លួននៅតុលាការ Dumbarton Sheriff នៅថ្ងៃទី ២៣ ខែមីនា៕