ប្រទេសចិន បានចេញមកបដិសេធរបាយការណ៍ដែលថា ចិនផ្គត់ផ្គង់អាវុធដល់អ៊ីរ៉ង់។
ដោយចិន និយាយថា ការអះអាងបែបនេះគឺ “ត្រូវបានប្រឌិតទាំងស្រុង”។
នេះបើយោងតាមអ្នកនាំពាក្យក្រសួងការបរទេសចិន លោក Guo Jiakun បាននិយាយនៅថ្ងៃអង្គារទី១៤.០៤.២០២៦។
សារព័ត៌មាន Iran International។
ការអត្ថាធិប្បាយរបស់លោក បានកើតឡើង បន្ទាប់ពីមានរបាយការណ៍បង្ហាញថា ប្រទេសចិនបានផ្តល់ឧបករណ៍យោធាដល់អ៊ីរ៉ង់។
CNN បានរាយការណ៍នៅយប់ថ្ងៃសុក្រថា ចារកម្មអាមេរិកបានបង្ហាញថា ទីក្រុងប៉េកាំង កំពុងរៀបចំផ្តល់ប្រព័ន្ធការពារដែនអាកាសថ្មីដល់អ៊ីរ៉ង់ក្នុងរយៈពេលប៉ុន្មានសប្តាហ៍ខាងមុខនេះ។
លោក Guo បាននិយាយថា ប្រទេសចិនបានប្រកាន់ខ្ជាប់នូវវិធីសាស្រ្តប្រុងប្រយ័ត្ន និងមានទំនួលខុសត្រូវចំពោះការនាំចេញយោធា ជាមួយនឹងការគ្រប់គ្រងយ៉ាងតឹងរ៉ឹងដោយផ្អែកលើច្បាប់ក្នុងស្រុក និងកាតព្វកិច្ចអន្តរជាតិ។
លោក បានថ្លែងនៅក្នុងសន្និសីទសារព័ត៌មានមួយថា “យើងប្រឆាំងនឹងការបង្ខូចកេរ្តិ៍ឈ្មោះដែលគ្មានមូលដ្ឋាន ឬការជាប់ពាក់ព័ន្ធដែលមានគំនិតអាក្រក់”៕