ទីក្រុងគៀវ បាននិយាយនៅថ្ងៃសៅរ៍ទី១៦.០៥.២០២៦ថា រុស្ស៊ីបានប្រគល់សាកសពចំនួន៥២៨នាក់ដល់អ៊ុយក្រែន។
ខណៈសាកសពទាហានអ៊ុយក្រែនទាំងនេះ ត្រូវបានសម្លាប់ក្នុងការប្រយុទ្ធគ្នា នាពេលកន្លងមក.!។
សារព័ត៌មានTRT។
មជ្ឈមណ្ឌលអ្នកទោសសង្គ្រាម របស់អ៊ុយក្រែន បានបញ្ជាក់នៅលើប្រព័ន្ធផ្សព្វផ្សាយសង្គមថា”ជាលទ្ធផលនៃកិច្ចខិតខំប្រឹងប្រែង ធ្វើមាតុភូមិនិវត្តន៍ សាកសពរបស់បុគ្គល ដែលបានស្លាប់ចំនួន ៥២៨ នាក់ត្រូវបានប្រគល់ទៅអ៊ុយក្រែនវិញ។
យោងតាមភាគីរុស្ស៊ី ពួកគេអាចជាទាហានអ៊ុយក្រែន”មជ្ឈមណ្ឌលអ្នកទោសសង្គ្រាមរបស់អ៊ុយក្រែន បាននិយាយនៅលើប្រព័ន្ធផ្សព្វផ្សាយសង្គម ដោយមិនបានបញ្ជាក់ថា ពេលណាដែលសាកសពត្រូវបានទទួលនោះទេ។
មជ្ឈមណ្ឌលនេះបាននិយាយថា អ្នកស៊ើបអង្កេត និងអ្នកជំនាញ”នឹងចាត់វិធានការចាំបាច់ទាំងអស់ដើម្បីកំណត់អត្តសញ្ញាណអ្នកស្លាប់ដែលត្រូវបានបញ្ជូនមកវិញ”មួយថ្ងៃបន្ទាប់ពីរុស្ស៊ី និងអ៊ុយក្រែនបានដោះដូរអ្នកទោសសង្គ្រាមចំនួន២០៥នាក់។
កាលពីថ្ងៃសុក្រសប្តាហ៍មុន ប្រធានាធិបតីអាមេរិក ដូណាល់ ត្រាំ បានប្រកាសបទឈប់បាញ់រយៈពេលបីថ្ងៃនៅក្នុងជម្លោះចាប់ពីថ្ងៃសៅរ៍ដល់ថ្ងៃច័ន្ទ ក៏ដូចជាការដោះដូរអ្នកទោសចំនួន១.០០០នាក់ពីភាគីនីមួយៗ៕