អតីតប្រធានាធិបតីកូឡុំប៊ី លោក Juan Manuel Santos ដែលជាម្ចាស់ពានរង្វាន់ណូបែលសន្តិភាព បានថ្លែងកាលពីថ្ងៃពុធថា ការប្រើប្រាស់កម្លាំងយោធាតែមួយមុខ មិនអាចស្ដារសន្តិសុខ និងនាំមកនូវសន្តិភាពដល់ប្រទេសកូឡុំប៊ីបានឡើយ។
សារព័ត៌មានAFP នៅថ្ងៃទី១២ខែវិច្ឆិកា។
ការលើកឡើងនេះធ្វើឡើង ខណៈប្រទេសកូឡុំប៊ីកំពុងប្រឈមនឹងអំពើហិង្សាក្នុងកម្រិតខ្ពស់បំផុតក្នុងរយៈពេលមួយទសវត្សរ៍។ ប្រទេសនេះក៏ជាប្រទេសផលិតកូកាអ៊ីនធំបំផុតលើពិភពលោកផងដែរ។
លោក Santos បានអំពាវនាវឱ្យប្រធានាធិបតីបច្ចុប្បន្ន លោក Abelardo de la Espriella គោរពតាមកិច្ចព្រមព្រៀងសន្តិភាពឆ្នាំ២០១៦ ដែលបានជួយឱ្យក្រុមឧទ្ទាម FARC បោះបង់អាវុធ បន្ទាប់ពីការប្រយុទ្ធគ្នាអស់ជាច្រើនទសវត្សរ៍។
លោកបានបញ្ជាក់ថា ការស្ដារសន្តិសុខត្រូវការការគ្រប់គ្រងទឹកដីឱ្យបានល្អ មិនមែនពឹងផ្អែកតែលើការប្រើកម្លាំង ឬការទម្លាក់គ្រាប់បែកនោះទេ។ លោកក៏បានជំរុញឱ្យរដ្ឋាភិបាលកុំបោះបង់ឱកាសក្នុងការអនុវត្តកិច្ចព្រមព្រៀងសន្តិភាពនេះ។
ទោះជាយ៉ាងណា អតីតប្រធានាធិបតីម្នាក់ទៀត លោក Ivan Duque បានរិះគន់តុលាការពិសេសសន្តិភាព ដែលទទួលបន្ទុកកាត់ក្តីឧក្រិដ្ឋកម្មធ្ងន់ធ្ងរដែលកើតឡើងក្នុងអំឡុងជម្លោះ ដោយសារមានការខ្វែងគំនិតគ្នាជុំវិញភាពធ្ងន់ធ្ងរនៃការផ្តន្ទាទោសចំពោះក្រុមពាក់ព័ន្ធ។
កិច្ចព្រមព្រៀងសន្តិភាពឆ្នាំ២០១៦ នឹងឈានដល់ខួប១០ឆ្នាំក្នុងពេលខាងមុខនេះ ខណៈបញ្ហាសន្តិសុខ និងអំពើហិង្សានៅតែជាបញ្ហាប្រឈមដ៏ធំរបស់កូឡុំប៊ី៕
