នៅថ្ងៃទី២៦ ខែមិថុនា ឆ្នាំ២០២៦ យន្តហោះចម្បាំងអ៊ីស្រាអែលបានវាយប្រហារលើទីក្រុង Beit Yahoun ភាគខាងត្បូងប្រទេសលីបង់ ដែលត្រូវបានភាគីលីបង់ចាត់ទុកថា ជាការរំលោភលើបទឈប់បាញ់។ រហូតមកដល់ពេលនេះ មិនទាន់មានព័ត៌មានផ្លូវការអំពីអ្នកស្លាប់ របួស ឬទំហំនៃការខូចខាតនៅឡើយទេ។
ប្រភពពីសារព័ត៌មានAnadolu Agency។
ការវាយប្រហារនេះកើតឡើងស្របពេលមន្ត្រីលីបង់ និងអ៊ីស្រាអែលកំពុងបញ្ចប់ការចរចាជុំទី៥ ដែលសម្របសម្រួលដោយសហរដ្ឋអាមេរិក នៅទីក្រុងវ៉ាស៊ីនតោន។
បើតាមតួលេខផ្លូវការរបស់លីបង់ ការវាយប្រហាររបស់អ៊ីស្រាអែលចាប់តាំងពីថ្ងៃទី២ ខែមីនា បានសម្លាប់មនុស្សជាង ៤,១០០នាក់ និងបណ្តាលឱ្យមនុស្សជាង ១២,០០០នាក់រងរបួស៕
