ក្រសួងការពារជាតិរុស្ស៊ី បានអះអាងថាប្រព័ន្ធការពារដែនអាកាសរបស់ខ្លួនបានបាញ់ទម្លាក់ដ្រូនរបស់អ៊ុយក្រែនចំនួន៦៦០គ្រឿង ក្នុងរយៈពេលពេញមួយយប់។
ប្រភពពីសារព័ត៌មានTRT World នៅថ្ងៃទី២៦ខែមិថុនា។
បើតាមក្រសួងការពារជាតិរុស្ស៊ី ដ្រូនទាំងនេះត្រូវបានស្ទាក់ចាប់នៅតំបន់ជាង១០ រួមមានទីក្រុងមូស្គូ ឧបទ្វីបគ្រីមៀ សមុទ្រខ្មៅ និងសមុទ្រ Azov។
អភិបាលក្រុងមូស្គូ លោក Sergey Sobyanin បានឱ្យដឹងថា ដ្រូនយ៉ាងហោចណាស់ ៤៧ គ្រឿង ដែលហោះឆ្ពោះទៅកាន់រដ្ឋធានី ត្រូវបានបាញ់ទម្លាក់ ហើយក្រុមសង្គ្រោះកំពុងពិនិត្យកន្លែងដែលកម្ទេចកម្ទីធ្លាក់ចុះ។ លោកបានបញ្ជាក់ថា មិនទាន់មានសេចក្តីរាយការណ៍អំពីអ្នកស្លាប់ ឬការខូចខាតធ្ងន់ធ្ងរនៅឡើយទេ៕
