ភ្លើងឆេះព្រៃកំពុងរាលដាលយ៉ាងខ្លាំងនៅតំបន់ភាគខាងត្បូងអឺរ៉ុប ដោយបានបំផ្លាញព្រៃឈើ និងដីជាង១៩,០០០ហិកតា នៅក្នុងប្រទេសព័រទុយហ្គាល់ អេស្ប៉ាញ បារាំង និងក្រិក។ គ្រោះមហន្តរាយនេះបានបង្ខំឱ្យប្រជាពលរដ្ឋរាប់ពាន់នាក់ជម្លៀសចេញពីផ្ទះ ខណៈអ្នកពន្លត់អគ្គីភ័យរាប់រយនាក់កំពុងបន្តប្រយុទ្ធទប់ស្កាត់អណ្តាតភ្លើង។
ប្រភពពីសារព័ត៌មានCNA នៅថ្ងៃទី៦ខែកក្កដា។
អាជ្ញាធរបានព្រមានថា សីតុណ្ហភាពនៅតំបន់ខ្លះអាចឡើងដល់ ៤០អង្សាសេ ក្នុងប៉ុន្មានថ្ងៃខាងមុខ ដែលអាចធ្វើឱ្យស្ថានភាពភ្លើងឆេះព្រៃកាន់តែធ្ងន់ធ្ងរ។
ប្រជាពលរដ្ឋម្នាក់នៅភូមិ Trevillach ប្រទេសបារាំង បាននិយាយថា អណ្តាតភ្លើងបានឆាបឆេះនៅចម្ងាយប្រហែល ៣០០ម៉ែត្រ ពីផ្ទះរបស់គាត់ ហើយបានរាលដាលយ៉ាងលឿន រហូតធ្វើឱ្យអ្នកភូមិមានការភ័យខ្លាចយ៉ាងខ្លាំង៕
