នាយករដ្ឋមន្ត្រីអ៊ីស្រាអែល លោកBenjamin Netanyahu បានកោះប្រជុំមន្ត្រីសន្តិសុខជាន់ខ្ពស់ ដើម្បីពិភាក្សាផែនការដកទ័ពអ៊ីស្រាអែលចេញពីតំបន់ភាគខាងត្បូងប្រទេសលីបង់ ក្រោមកិច្ចព្រមព្រៀងដែលសម្របសម្រួលដោយសហរដ្ឋអាមេរិក។
ប្រភពពីសារព័ត៌មានAnadolu Agency នៅថ្ងៃទី៦ខែកក្កដា។
កិច្ចប្រជុំបានពិភាក្សាអំពីតំបន់ដែលត្រូវដកទ័ពមុនគេ និងរបៀបអនុវត្តផែនការនេះ។ ប៉ុន្តែអ៊ីស្រាអែលបានបញ្ជាក់ថា នឹងមិនដកទ័ពភ្លាមៗទេ លុះត្រាតែកងទ័ពលីបង់អាចចូលគ្រប់គ្រងសន្តិសុខនៅតំបន់នោះបាន។
តាមផែនការ ការដកទ័ពនឹងធ្វើឡើងជាបណ្តើរៗ ដោយចាប់ផ្តើមពីភូមិចំនួនពីរ។ ភាគីទាំងពីរក៏កំពុងពិភាក្សាបង្កើតតំបន់ដែលមិនមានវត្តមានក្រុម Hezbollah ដើម្បីកាត់បន្ថយហានិភ័យនៃការប៉ះទង្គិច៕
