ទីបញ្ជាការកណ្តាលសហរដ្ឋអាមេរិកបានប្រកាសពីការវាយប្រហារជុំទី៣លើអ៊ីរ៉ង់នៅសប្តាហ៍នេះ បន្ទាប់ពីអ៊ីរ៉ង់ វាយប្រហារលើកប៉ាល់កុងតឺន័រ ដែលមានទង់ជាតិស៊ីប នៅក្នុងច្រកសមុទ្រ Hormuz។
សារព័ត៌មានAl Jazeera នៅថ្ងៃទី១២.០៧.២០២៦។
ប្រព័ន្ធផ្សព្វផ្សាយរដ្ឋអ៊ីរ៉ង់ រាយការណ៍ពីការផ្ទុះនៅក្នុងទីក្រុងកំពង់ផែ Bandar Abbas, Sirik, Chabahar, Bandar-e Deyr និង Asaluyeh។
ការទម្លាក់គ្រាប់បែកទាំងនេះ បានកើតឡើងបន្ទាប់ពី IRGC របស់អ៊ីរ៉ង់បានប្រកាសបិទច្រកសមុទ្រ Hormuz ជាបណ្តោះអាសន្ន ហើយបាននិយាយថា ខ្លួនបានបាញ់ព្រមានទៅលើកប៉ាល់មួយដែលព្យាយាមឆ្លងកាត់អ្វីដែលខ្លួនហៅថាជាផ្លូវដែលមិនត្រូវបានអនុម័ត។
មេដឹកនាំកំពូលរបស់អ៊ីរ៉ង់ Ayatollah Mojtaba Khamenei សន្យាថា នឹងសងសឹកចំពោះការសម្លាប់ឪពុករបស់គាត់គឺ Ali Khamenei ដោយកងកម្លាំងសហរដ្ឋអាមេរិក និងអ៊ីស្រាអែល ដោយនិយាយថា “ការសងសឹកគឺជាឆន្ទៈរបស់ប្រជាជាតិយើង”៕
