រដ្ឋមន្ត្រីក្រសួងអប់រំលីបង់ លោកស្រី រីម៉ា ការ៉ាមី (Rima Karami) បានឱ្យដឹងថា កងទ័ពអ៊ីស្រាអែលបានលួចយកសម្ភារៈ និងបំផ្ទុះបំផ្លាញសាលារៀនចំនួន៣កន្លែងនៅភាគខាងត្បូងប្រទេសលីបង់ រហូតក្លាយជាគំនរផេះ។
ប្រភពពីសារព័ត៌មានAl Jazeera នៅថ្ងៃទី១៨ខែកក្កដា។
តាមការបញ្ជាក់របស់អង្គការ UNESCO គិតមកដល់ពេលនេះ សាលារៀនយ៉ាងហោចណាស់ ២០ កន្លែងត្រូវបានបំផ្លាញទាំងស្រុង និងជាង ១០០ កន្លែងទៀតរងការខូចខាត ដោយសារជម្លោះរវាងអ៊ីស្រាអែល និងក្រុមហេសបូឡា។
UNESCO ក៏បានឱ្យដឹងដែរថា កុមារលីបង់ប្រមាណ ៥០០,០០០ នាក់ នៅតែមិនអាចចូលរៀនបាន ដោយសារតែសង្គ្រាម ដែលអាចប៉ះពាល់យ៉ាងធ្ងន់ធ្ងរដល់ការសិក្សា និងការអភិវឌ្ឍរបស់ពួកគេ៕
