ប្រធានាធិបតីអាមេរិក លោក ដូណាល់ ត្រាំ បានព្រមានថានឹងដំឡើងពន្ធលើទំនិញកាណាដា ដើម្បីទូទាត់ការខូចខាតពីផ្សែងភ្លើងឆេះព្រៃ ដែលប៉ះពាល់ដល់គុណភាពខ្យល់នៅសហរដ្ឋអាមេរិក។
ប្រភពពីសារព័ត៌មានTRT World នៅថ្ងៃទី១៨ខែកក្កដា។
លោកត្រាំ បានចោទថា កាណាដាមិនបានគ្រប់គ្រងព្រៃឈើ និងសម្អាតសំណល់ព្រៃឈើឱ្យបានល្អ ដែលធ្វើឱ្យផ្សែងក្លាយជាបញ្ហាកើតឡើងជារៀងរាល់ឆ្នាំ និងបង្កការខាតបង់សេដ្ឋកិច្ចដល់អាមេរិក។
បច្ចុប្បន្ន កាណាដាមានភ្លើងឆេះព្រៃសកម្មចំនួន 937 កន្លែង ហើយភាគច្រើននៅមិនទាន់អាចគ្រប់គ្រងបាន។ ផ្សែងបានរាលដាលទៅកាន់រដ្ឋជាច្រើនរបស់សហរដ្ឋអាមេរិក បណ្ដាលឱ្យអាជ្ញាធរចេញការព្រមានពីគុណភាពខ្យល់មិនល្អ៕
