ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បាននិយាយកាលពីថ្ងៃទី២៥ ខែតុលា ឆ្នាំ២០២៦ ថា អ៊ុយក្រែនត្រៀមបញ្ឈប់ការវាយប្រហារលើរោងចក្រចម្រាញ់ប្រេងរបស់រុស្ស៊ី ប្រសិនបើមានលក្ខខណ្ឌណាមួយក្នុងចំណោមលក្ខខណ្ឌទាំង៣ ដែលអ៊ុយក្រែនបានស្នើទៅសហរដ្ឋអាមេរិក។
សារព័ត៌មានKyiv post។
លក្ខខណ្ឌទាំង៣ រួមមាន៖ ទី១ រុស្ស៊ីបញ្ឈប់ការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន។ ទី២ សហរដ្ឋអាមេរិកអនុញ្ញាតឱ្យអ៊ុយក្រែនប្រើប្រាស់ប្រព័ន្ធ Starlink នៅលើទឹកដីរុស្ស៊ី។ ទី៣ សហរដ្ឋអាមេរិកផ្តល់មីស៊ីលការពារដែនអាកាស Patriot ដល់អ៊ុយក្រែន។
លោកហ្សេឡេនស្គីបានបញ្ជាក់ថា ការវាយប្រហាររបស់អ៊ុយក្រែនលើរោងចក្រចម្រាញ់ប្រេងរុស្ស៊ី មិនមានឥទ្ធិពលខ្លាំងលើតម្លៃប្រេងម៉ាស៊ូតពិភពលោកទេ ដោយរុស្ស៊ីមានចំណែកត្រឹមតែ ២% នៃការនាំចេញប្រេងម៉ាស៊ូតទូទាំងពិភពលោក។
ជាមួយគ្នានេះ លោកបានព្រមានថា មិនគួរដកទណ្ឌកម្មលើរុស្ស៊ីមុនពេលមានការចរចាសន្តិភាពនោះទេ ព្រោះអ៊ុយក្រែនត្រូវការរក្សាសម្ពាធលើទីក្រុងមូស្គូ ដើម្បីប្រើប្រាស់ជាអំណាចក្នុងការចរចាបញ្ចប់សង្គ្រាម៕
