ប្រធានាធិបតីប្រេស៊ីល លោក ល្វីស អ៊ីណាស៊ីយ៉ូ លូឡា ដា ស៊ីលវ៉ា បានឈ្នះការបោះឆ្នោតប្រធានាធិបតីកាលពីថ្ងៃអាទិត្យ ទី២៥ ខែតុលា ឆ្នាំ២០២៦ ដោយទទួលបានសំឡេងគាំទ្រ៥១,៨% និងនាំមុខគូប្រជែង លោក ហ្វ្លាវីយ៉ូ បូលសូណារ៉ូ ជិត ៤,៤ លានសំឡេង។
សារព័ត៌មានAp។
ជ័យជម្នះនេះនឹងធ្វើឱ្យលោក លូឡា បន្តដឹកនាំប្រទេសដែលមានសេដ្ឋកិច្ចធំបំផុតនៅអាមេរិកឡាទីន។ លោកក៏ជាអ្នករិះគន់ខ្លាំងចំពោះប្រធានាធិបតីអាមេរិក លោក ដូណាល់ ត្រាំ និងបានបញ្ជាក់ថា ប្រេស៊ីលនឹងមិនអនុញ្ញាតឱ្យប្រទេសណាមួយជ្រៀតជ្រែកក្នុងកិច្ចការផ្ទៃក្នុងរបស់ខ្លួនឡើយ។
ទោះជាយ៉ាងណា លោក ហ្វ្លាវីយ៉ូ បូលសូណារ៉ូ បានបដិសេធមិនទទួលស្គាល់លទ្ធផល និងទាមទារឱ្យលុបចោលការបោះឆ្នោត ដោយលើកឡើងពីភាពចម្រូងចម្រាសនៃការពន្យារពេលបិទការិយាល័យបោះឆ្នោតចំនួនពីរម៉ោង។ ប៉ុន្តែប្រធានតុលាការបោះឆ្នោតបានបញ្ជាក់ថា ការពន្យារពេលនេះមិនបានប៉ះពាល់ដល់លទ្ធផលឡើយ ហើយអ្នកជំនាញច្បាប់ក៏យល់ថា ការទាមទារលុបចោលការបោះឆ្នោតនេះមិនមានមូលដ្ឋានច្បាប់រឹងមាំនោះទេ។
ក្នុងសុន្ទរកថាជ័យជម្នះ លោក លូឡា បានប្តេជ្ញាគោរពប្រជាពលរដ្ឋប្រេស៊ីលគ្រប់រូប និងការពារឯករាជ្យភាពរបស់ប្រទេស។ លោកក៏បានរិះគន់ការផ្សព្វផ្សាយព័ត៌មានមិនពិត និងការបដិសេធការពិតផងដែរ។
លោក លូឡា នឹងចាប់ផ្តើមអាណត្តិប្រធានាធិបតីថ្មីនៅថ្ងៃទី៥ ខែមករា ឆ្នាំ២០២៧។ នេះជាជ័យជម្នះដ៏សំខាន់មួយសម្រាប់លោក ខណៈដែលលោកបានជម្នះការព្រួយបារម្ភរបស់ប្រជាពលរដ្ឋអំពីតម្លៃទំនិញ និងសន្តិសុខ ដើម្បីបន្តដឹកនាំប្រទេសប្រេស៊ីល៕
